Vefdagbækur frá barnaland.is

Arnar Ingi bróðir minn var fjarstýring í allan dag. Ég varð s

Sun, 01 Aug 2010 01:02:12 GMT

Arnar Ingi bróðir minn var fjarstýring í allan dag. Ég varð svo útvarp í einhvern tíma.

Mamma mín ætlaði að skrifa eitthvað voða skemmtilegt hérna um mig en núna þegar hún er að skrifa þá bara man hún ekki hvað það var. Svo það verður ekki lengra í bili.

Arnar Ingi var kallaður fjarstýring í allan dag. Einhver leikur sem mamma var e

Sun, 01 Aug 2010 00:54:53 GMT

Arnar Ingi var kallaður fjarstýring í allan dag. Einhver leikur sem mamma var ekki að skilja. Í gær fórum við á eitthvað leiksvæði hjá Norræna húsinu eitthvað sem heitir Tilraunalandið. Þetta var allt í lagi en það var ekkert hægt að vera þar nema bara stutta stund. Við fórum með nesti en það var ekkert kósí að borða það þarna. Við fórum eiginlega þegar við vorum búin að skoða allt og vorum farin að fíflast dálítið mikið og þá nennti mamma ekki meiru. Við fórum svo heim og fórum bara í gönguferð.

Í dag fórum við í Ikea og fengum að fara í boltalandið. Þar gátum við hamast í klukkutíma á meðan mamma dúllaðist með Hjört litla. Við vildum endilega borða þarna í Ikea en mamma vildi það ekki af því það var svo mikið af fólki. Svo við fórum bara í Nóatún og keyptum eitthvað rosa gott sem mamma eldaði svo. Við vorum alveg dauðþreyttir eftir daginn og sofnuðum bara alveg strax.

Þá er enn ein verslunarmannahelgin runnin upp og eins og svo oft áður hel

Sat, 31 Jul 2010 22:11:11 GMT

Þá er enn ein verslunarmannahelgin runnin upp og eins og svo oft áður heldur fjölskyldan sig að mestu heima. Aðeins einu sinni höfum við verið að heiman um verslunarmannahelgi og það var fyrir ári en þá vorum við á Flúðum. Og þar sem við höfum Stellu, Jeriian, Ívar og Lóu Björk hjá okkur (og sjáum vonandi Samúel líka) ákváðum við að vera heimavið. Anna Bíbí er líka búin að vera stútfull af kvefi, hori og hósta og var með hitavellu þar til í gærkvöld. Við ákváðum því að fara í túristaleik með vinum okkar í dag og eftir að hafa borðað góðan brunch (ekki reyndar á pallinum) og smurt nesti, settumst við upp í bílana og brunuðum af stað sem leið lá austur fyrir fjall. Fyrsta stoppið var við Kerið, þar gekk hollenska fjölskyldan niður gígin en við héldum okkur uppi. Önnu Bíbí tókst að detta framfyrir sig en mölin þarna við Kerið er fremur varasöm þar sem hún er bæði þurr og hörð og auðvelt að renna til. Við héldum svo áfram upp Grímsnesið og áfram upp í Tungur þar sem næsti viðkomustaður var við Gullfoss. Við litum yfir fossinn og gengum svo alveg upp að honum - stórfengleg sjón í frábæru veðri. Við tylltum okkur svo niður á grasflöt og borðuðum nestið okkar. Því miður kláraðist rafhlaðan á myndavélinni svo þar endaði myndataka mömmunnar í dag. Eftir góða lyst hjá öllum, var rokið af stað í bílana og rennt að Geysi. Þar sáum við Strokk skvetta úr sér allmörgum sinnum við mikinn fögnuð hollendinganna og Önnu Bíbíar sem taldi aftur á bak á ensku eins og um geimskot væri að ræða. Ljóst er að fjölskyldan þarf að gera sér aðra ferð að Geysi þegar við verðum í bústaðnum í Brekkuskógi nú í ágúst. Þegar allir höfðu nært augun á þessum fallega stað var haldið heim á leið, keyrt gegnum Laugarvatn og Lyngdalsheiðin tekin að Þingvöllum við mikinn fögnuð hollensku feðganna sem töldu sig komna á alvöru "country"vegi. Við renndum svo beint í bæinn og skelltum plokkfiski í sparibúning í ofninn við mikinn fögnuð flestra. Gestirnir okkar skruppu svo í heimsókn í kvöld og við höfum bara haft það kósý. Á morgun kveðja vinir okkar í bili en þau ætla að ferðast aðeins um landið. Það ætlum við líka að gera þegar líða fer á vikuna og vonandi verður þá allt kvef rokið úr ungu dömunni. Nokkrar myndir eru á leið í júlí-albúm innan stundar - njótið, ferðalangarnir í Fannafoldinni

Vilhjálmur Karl er orðinn fjögurra ára gamall. Hann fór &i

Sat, 31 Jul 2010 21:38:21 GMT

Vilhjálmur Karl er orðinn fjögurra ára gamall.

Hann fór í fjögurra ára skoðun í gær og stóð sig eins og hetja. Hann tók ýmis próf sem sett voru í leikjaform. Konan sem tók á móti okkur og setti fyrir hann þessi próf sagði hann rosalega skýran og duglegan strák. Hann var sá fyrsti sem hún hafði séð ljúka vissu prófi... þurfti að rétta henni níu kubba. Börnum á þessum aldri, sérstaklega strákum, finnst erfitt að samhæfa tölur og hluti. Geta kannski talið upp í 30 en ekki sett það saman við hluti. Það var mjög gaman að fylgjast með honum, svo glaðlegur og skemmtilegur :-)

Um daginn sagði hann við mig. "mamma, ég er hættur að nota trukka sængina, hún er svo barnaleg" hahahah en þá var ég nýbúin að skipta um sængurver hjá honum og setja sængurver sem ég hafði ekki lengi sett á sem er með myndum af trukkum. Já of barnalegt....og þá var hann ennþá þriggja ára hahaha.

Svo segir hann oft "díses" þegar hann er hneykslaður eða vill leggja áherslu á orð sín.

Hann elskar Michael Jacksson sem og reyndar Einar Karl.

Einar Karl á ennþá kærustu.... sömu og vanalega Sunnevu. Mjög svo skemmtilegt að hlusta á þau tala saman þegar þau eru saman. Ræða barneignir, hvað börnin eiga að heita og fl og fl eitthvað svo fullorðinslegt. hihi

Ingi Karl er orðinn átta mánaða. Kominn með fjórar tennur og er bara draumur í dós. Hann hoppaði í dag á rassinum og komst ansi langt. Ætli hann vilji ekki skríða, kemst svona á milli staða, frekar sætt og öðruvísi :-)

Við fórum í gær í sveitaferð með ömmu og afa. Yndisleg ferð. Úlfljótsvatn, Sólheimar, Sumarbústaðalóðin hennar ömmu og svo enduðum við með því að fá okkur Humarsúpu á Hafinu bláa við Eyrabakka. Veðrið var einstakt. Hef bara aldrei leint í svona veðri. Alveg logn, yfir 20 stig en sólarlaust. Mér leið eins og ég væri inni það var svo gott veður.

En öllum heilsast vel ;-)

Karen prinsessa Ég keypti þennan fína prinsessu kjól á K

Sat, 31 Jul 2010 21:36:23 GMT

Karen prinsessa

Ég keypti þennan fína prinsessu kjól á Karen í Glasgow ferðinni minni góðu.

Þegar maður snýr honum við breytist hann úr Snow white kjól yfir í Cinderella kjól.

Halló allir :) Núna er Alexandra búin í lyfjagjöfunum og hefur

Sat, 31 Jul 2010 14:40:53 GMT

Halló allir :)

Núna er Alexandra búin í lyfjagjöfunum og hefur það bara nokkuð gott. Húðin er öll að koma til, ekki lengur sár en enn rauð. Steraútlitið er komið aftur enda Stubban mín búin að fá ansi góðan skammt af þeim. Núna er bara markmiðið okkar að ná góðri heilsu áður en skólinn byrjar og halda henni áfram :)

Hafið það gott

Sandra

Við erum aldeilis búin að eiga frábært sumar Myndir fyrir seinni hlu

Sat, 31 Jul 2010 11:55:32 GMT

Við erum aldeilis búin að eiga frábært sumar Myndir fyrir seinni hluta Júlí sýna 2 ferðir á Laugavatn í hjólhýsi mömmu og pabba Dísu og eina ferð austur undir Eyjafjöll til ömmu Jonnu og afa Fúsa Áttum frábærar stundir á þessum stöðum. Myndirnar segja í raun allt sem segja þarf

Við áttum s.s. drauma sumar og erum sátt ... mætum til vinnu í næstu viku og verður gott að komast í smá rútínu aftur.

Verið dugleg að kvitta fyrir innlit

Kv Hrafnhildur, Kristinn Samúel og Arngrímur Benedikt